Бишкек, 15.12.20. /Кабар/. Ош облусунун Кара-Суу районунда жол кырсыгы катталып, бир адам каза болду. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 14-декабрда саат 07:50 чамасында Бишкек-Ош унаа жолунун 647-чакырымында (Кара-Суу району, Кара-Дөбө айылы) “Хюндай Аванте” үлгүсүндөгү унаанын айдоочусу рулду башкара албай бетон тосмону сүзүп алган.
Кырсыктын кесепетинен 36 жаштагы 1 эркек адам каза болуп, 40 жана 35 жаштагы 2 эркек адам жабыркаган.
Жабыркаган жана каза болгон адамдарды ИИМ кызматкерлери Ош облустук ооруканасына жеткиришкен.
Пикир
Оставить комментарий