Бишкек, 06.04.23. /Кабар/. Ош облусунун Кара-Суу шаарында 5-6 жаштагы кыздарга ыплас аракеттерди жасады делген жаран кармалды. Бул тууралуу облустук милициянын басма сөз кызматы билдирди.
Билдирүүгө ылайык, 3-апрелде Кара-Суу райондук милициясына кабар келип түшкөн. Анда Кара-Суу шаарынын 6 жаштагы А.А. аттуу тургунун үйүнүн алдында белгисиз адам колунан кармап автоунаасына алып келгендиги айтылат.
Аталган факт маалыматтык электрондук журналга катталып, териштирүү иштери башталган.
Алгачкы текшерүүнүн жүрүшүндө 29-март күнү Кара-Суу шаарында 44 жаштагы жаран беш жана алты жаштагы кыздарга автоунаасында ыплас аракеттерди жасагандыгы аныкталган.
Кылмыш-жаза кодексинин 158-беренесинин негизинде (“Ыплас аракеттер”) кылмыш иши козголуп, 4-апрелде шектүү катары 44 жаштагы Ш.Б. аттуу жаран кармалган. Ал райондук милициясынын убактылуу кармоочу жайына киргизилген.
Пикир
Оставить комментарий