Каракол мамлекеттик музыкалык окуу жайынын директорлугуна сынак жарыяланды

Бишкек, 09.01.25. /Кабар/. Ы.Туманов атындагы Каракол мамлекеттик музыкалык окуу жайынын директорунун бош кызмат ордуна сынак жарыяланды. Бул тууралуу Маданият, маалымат, спорт жана жаштар саясаты министрлигинен билдиришти.

Министрлер кабинетинин 2020-жылдын 29-майындагы №278 “Маданият, искусство, маалымат жана кинематография мекемелеринин кызматкерлери үчүн квалификациялык талаптарды бекитүү жөнүндө” токтомуна ылайык директордун кызмат ордуна төмөнкүдөй квалификациялык талаптар коюлган:

- Ар кандай багыттагы жогорку кесиптик билими, жетекчилик кызмат орундарындагы иш тажрыйбасы 5 жылдан кем эмес.

Директордун кызматтык милдеттери:

- Директор мекеменин уставынын негизинде өз укуктарын жана милдеттерин ишке ашырат жана мекеменин ишинин натыйжалары үчүн толук жоопкерчилик тартат;

- Штаттык жана финансылык тартиптин сакталышына көзөмөлдү жүргүзөт;

- Буйруктарды чыгарат, бардык кызматкерлер жана студенттер аткарууга милдеттүү болгон көрсөтмөлөрдү берет;

- Педагогикалык жана администрациялык персоналдын курамын түзөт;

- Мекеменин ички тартибин, түзүмүн бекитет;

- Өзүнүн орун басарларын дайындайт;

- Мекеменин кызматкерлеринин кызматтык нускамаларын бекитет;

- Кирешелердин жана чыгашалардын сметасын бекитет;

- Монополияга каршы саясат чөйрөсүндөгү ыйгарым укуктуу мамлекеттик орган менен макулдашуу аркылуу контракттык окутуунун наркынын сметасын бекитет.

Сынакка катышуу үчүн төмөнкү документтерди тапшыруу керек:

- Арыз;

- Паспорттун көчүрмөсү;

- Кадрларды эсепке алуу боюнча толтурулган өздүк баракча (иш жүзүндө жашаган жеринин дарегин жана телефондорун көрсөтүү менен);

- Резюме;

- Белгиленген тартипте күбөлөндүрүлгөн билими жөнүндө документтин көчүрмөсү (нотариалдык же иштеген жериндеги кадр кызматы тарабынан);

- Белгиленген тартипте күбөлөндүрүлгөн эмгек китепчесинин көчүрмөсү (нотариалдык же иштеген жериндеги кадр кызматы тарабынан);

- Соттолбогондугу жөнүндө маалымкат;

- 3x4 өлчөмүндөгү 2 сүрөт;

- Билим берүү мекемесин өнүктүрүүнүн перспективдүү планы.

Бардык документтер папкага тиркелип, Маданият, маалымат, спорт жана жаштар саясаты министрлигинин Адам ресурстарын башкаруу бөлүмүнө 2025-жылдын 9-январынан 22-январына чейин тапшырылууга тийиш.

Дареги: Бишкек ш., Пушкин көч., 78, №106 кабинет (саат 9.00 дөн 18.00 гө чейин), байланыш телефондору: +996 312 623639, 662683.

Талаптарга жооп бербеген документтерди жана маалыматтарды тапшырган жарандарга катышууга жол берилбейт.