Бишкек, 13.07.23. /Кабар/. Каракол шаарында милиция кызматкерлери "Селсаяк" аталышындагы рейд өткөрдү. Бул тууралуу Ысык-Көл облустук милициясынан билдиришти.
Маалыматка ылайык, рейддин жүрүшүндө туруктуу жашаган жери жок 50дөн ашык адам аныкталып, каттоого алынган.
Ошондой эле операциянын алкагында ар бир аныкталган үй-жайсыз адамдын манжа издери алынды. Бул жол-жобо келечекте бул адамдарды аныктоого жана алардын коопсуздугун камсыз кылууга, ошондой эле мүмкүн болгон укук бузууларга бөгөт коюуга жардам берет.
"Селсаяк" операциясынын маанилүү этабы болуп бардык аныкталган адамдарды атайын эсепке алуу журналына каттоо болуп саналат.
Иш-чара шаардагы үй-жайсыз адамдардын абалына деталдуу мониторинг жүргүзүүгө мүмкүндүк берет. Каттоо укук коргоо органдарынын кызматкерлерине социалдык кызматтар жана башка кызыкдар уюмдар менен биргеликте үй-жайсыздыкты чечүүнүн оптималдуу жолдорун табууга жардам берет.
Пикир
Оставить комментарий