Каржы полициясы тарабынан өлкө бюджетине дагы 281 млн сом кенемте төлөтүлдү

Бишкек, 11.11.20. /Кабар/. Экономикалык кылмыштарга каршы күрөшүү кызматы тарабынан өлкө бюджетине 281 млн сомдон ашык кенемте төлөтүлдү.

Каржы полициясынан белгилешкендей, алар тарабынан экономикалык жана коррупциялык кылмыштарга каршы күрөшүү жана мамлекеттик бюджетке келтирилген чыгымдын ордун толтуруу иштери жүргүзүлүүдө.

“А.К.” ЖЧКсына карата мамлекеттик бюджетке төлөнүүчү төлөмдөрдөн качуу фактысы боюнча жүргүзүлгөн сотко чейинки иштин алкагында октябрь айында бюджетке 281 млн сомдон ашык каражат төлөтүлдү”, - деп айтылат маалыматта.