Бишкек, 29.12.17 /Кабар/. Кыргыз Республикасынын Катар Мамлекетиндеги Атайын жана Толук Ыйгарымдуу Элчиси Нуран Ниязалиев Катардын жарандык авиация боюнча агенттигинин Тѳрагасы Абдулла Нассер Турки Аль-Субаей мырза менен Доха шаарында атайы жолугуп, талкуу жүргүздү.
Жолугушууда Кыргыз Республикасы менен Катар Мамлекетинин ортосундагы кызматташууну бекемдѳѳгѳ багытталган иш-аракеттер талкууланды. Тараптар эки ѳлкѳнүн жарандык авиация агенттиктери ортосунда 2015-жылы кол коюлган өз ара түшүнүшүү жөнүндө меморандумду ишке ашыруу чоң мааниге ээ экендигин баса белгилеп, жүргүнчүлөрдү жана жүктөрдү ташуу тармагында кызматташуу мүмкүнчүлүктөрүн талкуулашты.
Пикир
Оставить комментарий