Бишкек, 11.04.23. /Кабар/.Ош - Сары-Таш - Эркечтам унаа жолу убактылуу жабылды. Бул тууралуу Транспорт жана коммуникациялар министрлигинен билдиришти.
Катуу бороондон улам жолдо кар күрткүсү пайда болуп, жол жабылды.
“Жеринде №960 жол тейлөө ишканасынын кызматкерлери иштеп жатат. Тазалоо иштери 214-227-чакырым аралыгында жүрүүдө. Бороон басылары менен жолдогу абал калыбына келтирилип, бардык тарапка каттам ачылат”, - деп айтылат маалыматта.
Ал эми аталган жолдун Талдык ашуусунда карды тазалоо жумуштары жүрүп, унаа кыймылына чектөөлөр жок.
Пикир
Оставить комментарий