Бишкек, 28.02.19 /Кабар/. Депутат Руслан Казакбаев Ак-Талаа, Кочкор райондорунун бир катар мектептери авариялык абалда экенин эске салып, өкмөттү мектептердин абалына көңүл бурууга чакырды.
Казакбаевдин маалыматына ылайык, Ак-Талаанын Ак-Кыя айылындагы мектептин, Кочкордун Ак-Кыя, Сары-Булак айылдарындагы мектептин окуучулары авариялык абалдагы имаратта, кооптуу жагдайда окуп жатышат.
Жаз чыгары менен чатырга билим берүү улантылса, кыш киргенде айылдын клубунда окуу жүргүзүлүүдө. Сары-Булак айылындагы бала бакча дагы ушул клубда жайгашкан, - деп кошумчалады депутат.
"21-кылымдагы акыбал ушундай", – деди Казакбаев.
Мектептердин көйгөйлөрү тууралуу депутат Искендер Гайпкулов соз кылып, Баткен районунун Сай айылындагы Д.Акматов атындагы мектептин жаңы имаратын куруу 2014-жылы башталып, ошол бойдон токтоп калган.
Бүгүнкү күндө 400 ашуу окуучу мектептин эски имаратында 3 мөөнөт менен окуп жатат, - деди депутат.
Пикир
Оставить комментарий