Бишкек. 09.04.19 /Кабар/. Дарига Назарбаева – Казакстандын тунгуч президенти Нурсултан Назарбаевдин кызы – быйыл өтө турган кезексиз президенттик шайлоого катышпайт. Бул тууралуу tengrinews.kz басылмасына Назарбаеванын жардамчысы Сауле Мустафаева билдирди.
"Жок, Дарига Нурсултановна ат салышпайт", – деп Мустафаева телефон аркылуу маалымдады.
Эске салсак, Казакстанда кезексиз президенттик шайлоо 2019-жылдын 9-июнунда өтөт.
Маалым болгондой, 19-мартта Казакстандын тунгуч президенти 79 жаштагы Нурсултан Назарбаев өз эрки менен отставкага кеткен.
Казакстанда президенттин ыйгарым укуктарын убактылуу аткаруу милдети Касым-Жомарт Токаевге жүктөлгөн. Ал буга чейин казак парламентинин сенатынын төрагасы болчу.
Пикир
Оставить комментарий