Бишкек, 05.09.22. /Кабар/. Казакстандан Кыргызстанга 10 млн сомдук малды айдап өтүүгө аракет кылгандар кармалды. Бул тууралуу КР Чек ара кызматынын маалымат кызматы билдирди.
Маалыматка ылайык, 3-сентябрда Чүй облусунун панфилов районунда мамлекеттик чек арага жакын жерде Кыргызстандын эки жараны: 1993-жылы туулган А.М. жана 1983-жылы туулган Б.А. кармалган. Алар Казакстандан Кыргызстанга 157 баш бодо малды жана 174 баш жандык малды айдап өтүүгө аракет кылышкан.
Алдын ала эсептөөдө малдын болжолдуу баасы 10 млн 460 миң сомду түзгөн.
Тиешелүү документтер толтурулгандан кийин эки учурда тең кармалган жарандар жана мал кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилди.
Пикир
Оставить комментарий