Казакстандык артисттер гастролдук тур менен Бишкекке келет

Бишкек, 29.11.24. /Кабар/. Казакстандык артисттер гастролдук тур менен Бишкек шаарына келет.

Маданият министрлигинен билдиришкендей, 4-декабрдан 7-декабрга чейин Муктар Ауэзов атындагы Казак улуттук драма театрынын артисттери өз өнөрлөрүн тартууламакчы.

Спектаклдер Токтоболот Абдумомунов атындагы Кыргыз улуттук академиялык драма театрында көрсөтүлөт.

• 4-декабрь – Г. Мусреповдун “Кыз Жибек” музыкалык драмасы;
• 5-декабрь – А. Володиндин “Коштошкум келбейт” драмасы;
• 6-декабрь – Иран-Гайыптын “Коркуттун каргышы” драмасы;
• 7-декабрь – Р. Муканованын “Түбөлүк бала бейнеси” трагедиясы.