Бишкек, 30.01.19. /Салтанат Абдраева - Кабар/. Казакстандын чек арасында баңгизат менен 38 жаштагы Кыргызстандын жараны кармалган. Бул тууралуу Казакстандын чек ара кызматы билдирет.
Маалыматка ылайык, Кордай чек ара отрядынын “Кордай-авто” чек ара көзөмөл бөлүмүндө текшерүүдө кыргызстандыктын чөнтөгүндө 3-4 грамм кочкул жашыл түстөгү атайын жыты бар зат табылган. Болжол менен ал баңгизаты.
Кармалган жаран аймактык Ички иштер бөлүмүнө өткөрүлүп берилген.
Пикир
Оставить комментарий