Казакстандын тунгуч президенти Назарбаев Садыр Жапаровду туулган күнү менен куттуктады

Бишкек, 06.12.24. /Кабар/. Казакстандын тунгуч президенти Нурсултан Назарбаев Кыргызстандын президенти Садыр Жапаровду туулган күнү менен куттуктады.

“Өлкөнүн жаркын келечеги үчүн жоопкерчиликтүү ишиңизде ийгиликтерди, ошондой эле алдыга койгон максаттарды жана пландарды ийгиликтүү ишке ашырууңузга тилектешмин. Боордош элдерибиздин ортосундагы достук жана кызматташтык мындан ары да биздин өлкөлөрдүн жыргалчылыгы үчүн бекемделип, өнүгө берет деп ишенем”, - деп айтылат Казакстандын биринчи президентинин куттуктоо телеграммасында.

Нурсултан Назарбаев Садыр Жапаровго чың ден соолук, бакыт-таалай жана бакубатчылык каалады.