Бишкек, 08.02.21. /Кабар/. Кемин шаарындагы муктаж үй-бүлөлөргө көмүр жеткирилди. Бул тууралуу Чүй облусунун Кемин районунун баш имам хатиби Куттубек ажы Дүйшөбаев билдирди.
Иш-чара алкагында шаар ичиндеги муктаж 20 үй-бүлөгө, ар бирине 5 мүшөктөн, жалпысынан 100 мүшөк көмүр акысыз таратылды. Ошону менен катар аларга жалпы суммасы 10 миң сомдон ашуун акчалай жардам көрсөтүлдү.
Бул иш-чараны өз ысымдарын атагысы келбеген Кемин шаарынын тургундары уюштурушкан.
Кемин районунун баш имам хатиби иш-чараны уюштуруучуларга өз ыраазычылыгын айтып, аларга батасын берди.
Пикир
Оставить комментарий