Бишкек, 18.09.20. /Кабар/. 2020-жылдын 17-18-сентябрында кезектеги 400 дарыгер Ысык-Көлдө эс алып, ден соолугун чыңдоо үчүн жөнөп кетишти. Бул тууралуу Саламаттык сактоо министрлигинин басма сөз кызматы билдирет.
Маалыматка ылайык, эс алууга Баткен, Чүй, Жалал-Абад, Ош, Нарын облустарынын жана Бишкек шаарындагы медициналык мекемелерде пандемия күч алып турган маалында илдеттин очогунда вирус менен күрөш жүргүзгөн дарыгерлер, медайымдар, техникалык эмгек жамааттын өкүлдөрү жөнөтүлдү.
Медицина кызматкерлеринин бул тобу Ысык-Көлдөгү “Алтын Жай” жана “Эне-Сай”пансионаттарында бир апта эс алышат.
Эске салсак, дарыгерлердин Ысык-Көлдөгү эс алуусун Саламаттык сактоо министрлиги Профсоюздар федерациясы менен биргеликте КР президенти Сооронбай Жээнбековдун медицина тармагынын өкүлдөрү менен болгон жолугушуусунан кийинки иш-чаралар планынын алкагында ишке ашырууда.
Пикир
Оставить комментарий