Бишкек, 02.09.20. /Кабар/. Өлкөдө 8 ай ичинде өрттүн саны 46,2 пайызга азайып, тилсиз жоодон 24 адам куткарылган. Бул тууралуу КР Өзгөчө кырдаалдар министрлигинин (ӨКМ) Өрттү өчүрүү жана алдын алуу башкармалыгы маалымдады.
Маалыматка ылайык, 2020-жылдын 8 ай ичинде республика боюнча 1477 өрт кырсыгы катталып (2019-жылы 2747), өткөн жылга салыштырмалуу өрттүн саны 46,2% азайган. Өрттүн кесепетинен 14 адам каза таап (2019-жылы 33 адам) жана 19 адам жабыркаган (2019-жылы 46). Тилсиз жоодон 24 адам куткарылып, 2 млрд 441 млн 300 миң сомдук материалдык баалуулуктар сакталган. 913 өрт турак жай секторунда катталып, өрттүн жалпы санынын 61,8 %ын түзгөн.
Өрттөрдүн негизги себептери төмөнкүлөр:
- электр жабдууларын колдонуудагы этиятсыздыктан - 41,4%;
- мештерди жана морлорду этиятсыздык колдонууда – 9,5%;
- отко этиятсыздык менен мамиле кылуу – 20,4%;
- балдардын от менен ойноосуунан – 6,1%, өрт кырсыгы болду.
Болуп өткөн өрттөрдүн саны төмөндөгүчө бөлүнөт:
- Бишкек шаарында – 244 өрт;
- Чүй облусунда - 396;
- Ош облусунда - 202;
- Жалал-Абад облусунда - 202;
- Ысык-Көл облусунда - 151;
- Нарын облусунда - 55;
- Талас облусунда - 73;
- Ош шаарында - 50;
- Баткен облусунда 104 өрт катталган.
Өрттүн чыгышынын алдын алуу үчүн өрт коопсуздугунун эрежелерин сактоо зарыл:
- бузук электр орнотмолорун (розеткаларды, вилкаларын, өчүргүчтөрдү) колдонбогула;
- күйүүчү материалдарды чатырда, жер төлөдө жана тепкичтердеги аянтчаларда сактабагыла;
- балдарды кароосуз калтырбагыла;
- күйүп турган тиричилик электр буюмдарын, радио, телеаппаратураларын, газ плиталарын кароосуз таштабагыла;
- электр жылыткычтарын күйүүчү буюмдарга жакын орнотпогула.
- тамекинин калдыктарын жана ширеңкелерди таштабагыла;
“Өрт коопсуздугунун көрсөтүлгөн пункттарын сактагыла, муну менен Сиз өзүнүздүн турак жайынызды, мүлкүңүздү сактоо менен өрт учурунда адамдардын жаракат алуусунун жана каза болуусунун алдын аласыз”, - деп айтылат маалыматта.
Пикир
Оставить комментарий