Бишкек, 02.03.22. /Кабар/. Ош облусунун Араван районунун өрт-куткаруу бөлүмүндө Тепе-Коргон айыл өкмөтүнүн №8 М.Назаров атындагы, №26 М.Караев атындагы орто мектептеринин окуучулары үчүн Ачык эшик күнү өткөрүлдү. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, иш-чаранын негизги максаты - өрткө каршы кызмат менен таанышуу жана балдардын өрт коопсуздугу боюнча билимин жогорулатуу болуп саналат.
Иш-чаранын жүрүшүндө ӨКМдин кызматкерлери окуучулар менен өрт коопсуздук эрежелери, өрттүн келип чыгуу себептери, алардын келип чыгышы мүмкүн болгон кесепеттери тууралуу баарлашты. Окуучулар өрт учурундагы жүрүм-турум эрежелери, өрт өчүрүүчү алгачкы шаймандар менен таанышып, өрт өчүрүүчүлөдүн кызматы жөнүндө кеңири маалымат алышты.
Ошондой эле окуучуларга "101" жана "112" өрт өчүрүү жана куткаруу кызматтарынын телефондору эскертилди.
Пикир
Оставить комментарий