Бишкек, 10.02.20. /Кабар/. Бишкектин Күрөңкеев жана Абдырахманов көчөлөрүнүн кесилишиндеги унаа оңдоочу жайда өрт чыккан. Бул тууралуу КР Өзгөчө кырдаалдар министрлигинин басма сөз кызматы билдирет.
Маалыматка ылайык, өрт күн мурун, 9-февралда катталган.
"Тилсиз жоо саат 15:45те чектөөгө алынып, кечки саат 17:46да толук өчүрүлгөн. Өрттүн кесепетинен 1994-жылы туулган бир адам түтүнгө ууланып, ооруканага жеткирилген. Учурда абалы жакшы", - деп кабарлашты ведомстводон.
Өрттү өчүрүүгө жалпы 5 бөлүм тартылган. Учурда кырсыктын келип чыгуу себеби такталууда.
Пикир
Оставить комментарий