Бишкек, 04.12.20. /Кабар/. Чүй облусунун аймагында өрттүн саны 40,5 пайызга азайды. Бул тууралуу КР Өзгөчө кырдаалдар министрлигинин Чүй облустук башкармалыгынын башчысы Азис Эгембердиев билдирди.
Анын айтымында, 2020-жылдын 11 ай ичинде облуста 648 өрт кырсыгы катталган. Быйыл өрттүн саны 40,5 % азайган.
"Катталган тилсиз жоодон 11 адам каза болуп, 10 адам жабыркаган. Материалдык чыгым 45 миллион 403 191 сомду түзгөн. Ал эми өрт өчүрүүчү-куткаруучулар тарабынан 139 млн сомдон ашык товардык материалдык баалуулуктар, 12 автотехника, 182 мал-жандыктар сакталып калынган",- деди Эгембердиев.
Облустагы болуп өткөн өрттүн негизги себептери төмөнкүлөр:
- электр жабдууларын колдонуудагы этиятсыздыктан – 43,5%;
- мештерди жана морлорду этиятсыздык колдонууда – 9,4 %
- отко этиятсыздык менен мамиле кылуу – 14,2 %
- балдардын от менен ойноосунан – 3,7 %;
- тамеки чегүүдөгү этиятсыздык – 11 % өрт кырсыгы катталган.
Кошумчалай кетсек, 386 өрт кырсыгы турак жай секторунда катталып, өрттүн жалпы санынан 59,5 пайызды түздү.
Пикир
Оставить комментарий