Бишкек, 19.08.20. /Кабар/. Үстүбүздөгү жылдын 15-август күнү "Теплые ключи" эс алуу жайында Аламүдүн суусуна түшүп кеткен кыз табыла элек. Бул тууралуу Өзгөчө кырдаалдар министрлиги (ӨКМ) билдирет.
Маалыматка ылайык, Аламүдүн суусуна 1994-жылы туулган кыз түшүп кеткен. Бүгүн издөө иштерин улантуу максатында жалпы 37 куткаруучу тартылган.
"Кошумча маалымат берилет. Издөө иштери министр Замирбек Аскаровдун жеке көзөмөлүндө", - деп кошумчалашты ведомстводон.
Пикир
Оставить комментарий