ӨКМ кар көчкү түшүү коркунучуна байланыштуу чукул билдирүү таратты

Бишкек, 02.05.23. /Кабар/. Өзгөчө кырдаалдар министрлиги (ӨКМ) кар көчкү коркунучуна байланыштуу чукул билдирүү таратты.

Ведомствонун маалыматына таянсак, 2-5-май күндөрү күтүлүп жаткан жаан чачынга байланыштуу Кыргызстандын тоолуу райондорунда жана Каракол–Эңилчек унаа жолунун 45-50, 74-86-чакырымдарында (Чоң-Ашуу ашуусу), Барскоон–Ак–Шыйрак унаа жолунун 52-68-чакырымдарында (Сөөк ашуусу) кар көчкү түшүүcү жана кар күрткүсү күтүлөт. Жолдор тайгак болуп, муз тоңот.

ӨКМ айдоочуларга унаага дөңгөлөк чынжырчасын, күрөк, дары-дармек топтомун жана гүлазык, ысык суу камдап алуу керектигин эскертет. Ошондой эле зарылдыгы болбосо алыскы жолго чыгууну башка күндөргө жылдырууну сунуштайт.

Унаалардын ортосундагы 500 метр аралык кыймылы сакталышы керек.