Бишкек, 25.04.24. /Кабар/. Өзгөчө кырдаалдар министринин орун басары Акылбек Мазарипов "Кабар" агенттигинде өткөн маалымат жыйынында селден жаьыркагандарга мамлекет тарабынан материалдык колдоо көрсөтүлөрүн билдирди.
Анын айтымында, министрлер кабинетинин чечими менен селден каза болгон 22 адамга, ошондой селден улам турак жайы жараксыз абалга келген 75 үй ээсине 1 млн сомдон берилет.
"Ал эми турак жайы капиталдык оңдоого муктаж 86 үй ээсине 500 миң сомдон, Ош шаарындагы борбордук базарда суу каптаган 785 контейнердин ээсине каттоосуна жана салык төлөөсүнө жараша 100 миң сомдон берүү каралууда. Мындан тышкары, Ош мэриясы дагы соодагерлер менен иш алып барат", - деди ал.
Министрдин орун басары материалдык жардам жакын арада төлөнө баштай турганын кошумчалады.
Пикир
Оставить комментарий