Бишкек, 09.06.20. /Кабар/. Өзгөчө кырдаалдар министрлигинин куткаруучулары Чоң-Фергана каналына түшүп кеткен автоунааны чыгарышты. Бул тууралу КР ӨКМдин басма сөз кызматы билдирет.
Маалыматка ылайык, Жалал-Абад облусунун Ноокен районундагы Бүргөндү айыл аймагынын Ношкен айылында Чоң-Фергана каналына “Honda Stream” үлгүсүндөгү жеңил унаа түшүп кеткен. Жабыркагандар жок.
"Унаа сууга 7-июнда түшүп кеткен. Куткаруучулар бүгүн, 9-июнда саат 12:35те автоунааны суудан чыгарып, ээсине тапшырышты", - деп айтылат маалыматта.
Пикир
Оставить комментарий