Бишкек, 06.02.20. /Кабар/. Нарын облусунун Кочкор районунда кечээ, 5-февраль күнү саат 20:00 чамасында Жаңы-Жол айылындагы С.Орозбаков көчөсүндө Daewoo Nexia жана ВАЗ-2107 үлгүлөрүндөгү унаалары жолдун жээгинде токтоп турган ЗИЛ-130 оор жүк ташуучу унаасын сүзүшкөн. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, жол кырсыктын кесепетинен Daewoo Nexia унаасында 4 эркек адам, ВАЗ-2107 унаасында 2 эркек адам. ЗИЛ-130 унаасында 1 эркек адам ар кандай жеңил жаракаттарды алышкан. Каза болгон адамдар жок.
Куткаруучулар жабыркаган адамдарды унаадан чыгарып, биринчи медициналык жардам көрсөткөн жана тез жардам кызматына өткөрүп беришкен.
Пикир
Оставить комментарий