Бишкек, 04.08.20. /Кабар/. Билим берүү жана илим министрлиги тарабынан иштелип чыккан колледждерге кабыл алуунун онлайн порталына 22 миң 70 өтүнмө катталды.
Министрликтин басма сөз кызматынан кабарлашкандай, 3-августтан баштап колледждер окууга тапшыргандардын тизмесин жарыялай баштады.
3-6-августта – абитуриенттер ОКОЖго кабыл алууну каалоосун тастыкташы керек.
Окууга тапшыруучулардын коопсуздугун камсыздоо жана массалык чогулуусун алдын алуу максатында, билим алуу ниетин тастыктоо үчүн колледждер 3-августтан тартып абитуренттерге телефон аркылуу чалышат.
Документтердин түпнускаларын студенттер ОКОЖдорго окуу жылдын башында бериши керек.
Пикир
Оставить комментарий