Бишкек, 16.05.22. /Кабар/. "Улуу көчмөндөрдүн мурасы" улуттук компаниянын жетекчиси Теңгиз Бөлтүрүк интервью берип жатып "Кумтөр голд компани" компаниясындагы өзгөрүүлөр жөнүндө айтып берди.
Анын айтымында, Кумтөр кенинде кызматкерлердин тамак-ашы жана тартиби жакшыртылып, көптөгөн коррупциялык схемалар алынган.
"Биз ар кандай коррупциялык схемаларга аралашкан көптөгөн топ-менеджерлер менен келишимдерди бузуп, коштоштук. Бул чоң сокку болду. Ошондой эле Centerra Gold Inc. Жана Кумтөр менен биргеликте компанияны уурдап, тоноп келген подрядчылар менен келишимди токтоттук. Кээ бир жетекчилерди, жада калса орто звенодогу жетекчилерди кызматтан кетирип, жаштардын көтөрүлүшүнө шарт түзүп, кызматкерлерге дем бердик десек болот, анткени алар орто жана төмөнкү кызматтарда калышкан. Адам бир кызматта 15-20 жыл иштей албайт, кызыксыз болуп калат, адамдар өсүш керек. Биз бул мүмкүнчүлүктү бердик. Процесс бүтө элек, уланууда. Ошондой эле коопсуздукту камсыз кылуучу топ жакшы иштеди. Компанияны тазалоо уланууда", - деди ал.
Бөлтүрүк белгилегендей, акыркы 20 жыл ичинде Centerra Gold Inc. жана Кумтөрдүн жетекчилигинин, негизинен батыштык адистер, жетекчилердин, көзөмөлсүз мамилесинени КГКнын ички тартиби бузулган.
"Эл жашынып, эл сүйлөөдөн коркуп келишкен, мунун баары акчага сатылып алынган, аларга келишимдер же үлүштөр боюнча бир жерде отурууга мүмкүнчүлүк берилген. Ошондуктан Кумтөр азыр алда канча жакшы, алда канча натыйжалуу иштей алат. Ал эми өткөн жылы биз 6,5 айдын ичинде алтындын унцийлерин казып алуу боюнча операциялык чыгымдарды дээрлик 17%га кыскарттык, бул чындап эле жыйынтык",- деп кошумчалады ал.
Эскерте кетсек, буга чейин Теңгиз Бөлтүрүк “Кумтөр Голд Компани” ЖАКтын убактылуу тышкы башкаруучусу болуп иштеген.
Пикир
Оставить комментарий