Бишкек, 17.01.19. /Кабар/. 2019-жылдын 12-февралынан тарта «Коопсуз шаар» долбоорунун алкагында жол эрежелерин бузуулар жазылып баштайт. Бул тууралуу «Кабар» агенттигинде өткөн маалымат жыйынында Технологиялар жана байланыш мамлекеттик комитетинин төрагасы Бакыт Шаршенбиев билдирди.
Анын айтуусунда, 12-февралдан тарта протокол түзүлүп, даректерге жөнөтүлө баштайт.
Шаршенбиев билдиргендей, бүгүнкү күндө Бишкек шаарынын бир кесилишинде (Абдрахманов/Бөкөнбаев) тесттик режимде жол эрежесин жазып алган камералар иштей баштаган.
«Долбоордун биринчи этабы 4 фазага бөлүнгөн. Биринчи этапта 10 кесилиште жана 17 ылдам сызыкта жабдыктар орнотулат. Биринчи этап боюнча долбоор толугу менен май айынын ортосунда аякташы керек», - деп билдирди ал.
Эске сала кетсек, долбоорду «Вега» «Радиоуктуруу концерни» россиялык компаниясы ишке ашырат.
Пикир
Оставить комментарий