Бишкек, 09.05.18. /Кабар/. Кыргыз Республикасынын сейсмология институтунун маалыматына ылайык, бүгүн, 9-майда болжол менен саат 16:41 чамасында Афганистан Республикасында жер титиреген. Маалыматка ылайык, жер титирөө очогунда 7-8 баллга чейин жеткен.
ӨКМдин басма сөз кызматынан кабарлашкандай, жер титирөө Ош облусунун Чоң-Алай районунун Дароот-Коргон айылында 4 балл, Ош шаарында жана республиканын чек арага жакынкы аймактарында 3 баллга чейин сезилген.
Алдын ала маалымат боюнча жер титирөөдөн жабыркагандар жана кыйроолор катталган жок.
Пикир
Оставить комментарий