Бишкек, 28.02.18. /Айжамал Дуйшоева - Кабар/. Башкы машыктыруучу Абдужалил Юнусов баштаган Кыргызстандын дзюдо боюнча улуттук курамы Дюссельдорф (Германия) шаарында окуу-машыгуулардан өтүп жатышат.
“Кабар” агенттигине КРнын спорттун бул түрү боюнча федерациясынан билдиришкендей машыгуулар 1-мартка чейин уланат.
“Бул өлкөбүздү Жакарта (Индонезия) шаарында 18-августтан 2-сентябрга чейин өтө турган Азия оюндарында татыктуу алып чыгуу үчүн даярдык көрүүнүн баскычтарынын бири”, - деп белгилешти федерациядан.
Ошондой эле апрелде дзюдочулар Олимпиада оюндары үчүн упай топтоо максатында Түркиядагы эл аралык турнирге, майда Кытайдагы мелдештерге катышышат.
Пикир
Оставить комментарий