Бишкек, 20.09.17 /Мехриниса Сулайманова – Кабар/. Кыргызстандын өкмөтү Liglass Trading компаниясына 1 млн 147 миң доллар өлчөмүндөгү кепилдик төлөмүн кайтарбайт. Бул тууралуу “Кабар” агенттигине КР вице-премьер-министри Дүйшөнбек Зилалиев билдирди.
Анын айтымында, компаниянын билдирүүсү – бул сандырак кеп.
“Кааласа, сотко беришсин”,-деди ал.
Белгилей кетсек, Liglass өкмөт 1 млн 147 миң доллар өлчөмүндөгү кепилик төлөмүн 11-августка чейин кайтарып берүүсү керек эле деп эсептешет, бирок алар беришкен жок.
Эскерте кетсек, 18-сентябрда өкмөттүн жыйынында премьер-министр Сапар Исаков министрлер кабинети Liglass менен ГЭСтердин курулушу боюнча келишимин 37 млн долларды төлөө мөөнөтү бүткөнүнө байланыштуу бузган.
Пикир
Оставить комментарий