Бишкек, 09.03.23. /Кабар/. Министрлер кабинетинин төрагасы Акылбек Жапаров Конституциянын кабыл алынгандыгынын 30 жылдыгына арналган салтанаттуу иш-чараларды даярдоо жана өткөрүү боюнча иш-чаралардын планын бекитти.
КР президентинин 2023-жылдын 8-февралындагы № 21 “КР Конституциясынын кабыл алынгандыгынын 30 жылдыгын майрамдоого даярдык көрүү жөнүндө” жарлыгын ишке ашыруу максатында 2023-жылдын 3-мартында министрлер кабинетинин №112 тиешелүү токтому кабыл алынды.
Документте айтылгандай, “КР Конституциясына 30 жыл” юбилейлик медалы жөнүндө жобо жана юбилейлик медалга күбөлүктүн формасы бекитилген.
КР президентинин Иш башкармалыгына 2023-жылдын 1-майына чейин “КР Конституциясына 30 жыл” юбилейлик медалдарын жана аларга күбөлүктөрдү белгиленген тартипте даярдоону камсыз кылуу тапшырылды.
Пикир
Оставить комментарий