Бишкек, 19.03.18 /Кабар/. 2018-жылдын 20-мартында кыргыз Республикасынын Улуттук илимдер академиясында кыргыз экономика илиминин негиздөөчүсү – Кыргыз Республикасынын илимине эмгек сиңирген ишмер, УИАнын корреспондент-мүчөсү, экономика илимдеринин доктору Лайлиев Джумакан Сулаймановичтин 90 жылдыгына арналган “Өсүү жана туруктуулук. Узак мөөнөттүү өнүгүүгө багыт” деген темада илимий-конференция өтөт. Бул тууралуу Улуттук илимдер академиясынын маалымат кызматы билдирди.
Конференция КР УИАнын Экономика институту тарабынан Кыргызстандын экономикасынын учурдагы актуалдуу проблемаларын чечүүдө илимий-изилдөөчү ишмердиктин натыйжалуулугун жогорулатуу максатында уюштурулган.
Конференциянын программасына төмөнкү темадагы билдирүүлөр камтылган:
- Экономикалык трансформация жана Кыргыз Республикасынын өнүгүү перспективалары;
- Бүгүнкү күндүн чакырыктары: өсүү стратегиясын издөө;
- Кыргызстандын экономикалык өнүгүүсү жана интеграциялык процесстер. Коркунучтар жана мүүмкүнчүлүктөр.
Конференциянын ишинде окумуштуулар, ЖОЖдордун жетекчилери, окутуучулар, аспиранттар, ЖОЖдордун жана илимий мекемелердин студенттери катышат. Конференциянын материалдары РИНЦ системасына кирген “Экономика” журналында жарыяланат.
Пикир
Оставить комментарий