Бишкек, 13.12.18. /Кабар/. Кыргызстанга Казакстандан 80 кг темир бөлчөктөрүн киргизүүгө аракет жасаган жаран кармалган. Бул тууралуу Мамлекеттик чек ара кызматынын басма сөз кызматынан кабарлашты.
Маалыматка ылайык, жаран “Чалдыбар-унаа жолу” чек ара бөлүмүнүн кызматкерлери тарабынан кармалган. Аталган бөлүмгө 1986-жылы туулган С.С. аттуу жаран “Toyota Avalon” үлгүсүндөгү унаа менен келген. Унааны текшерүүнүн жыйынтыгында чек ара кызматкерлери унаанын ичинен темир бөлчөктөрү менен толтурулган 8 кутуча табышкан. Жүктүн жалпы салмагы 80 килограммды түзгөн.
Кармалган жаран КР ИИМнин аймактык бөлүмүнө өткөрүлүп берилген.
Пикир
Оставить комментарий