Кубанычбек Ысабеков Салык кызматынын төрагасынын орун басары болуп дайындалды

Бишкек, 23.12.24. /Кабар/. Ысабеков Кубанычбек Абдимуталипович Мамлекеттик салык кызматынын төрагасынын орун басары болуп дайындалды.

Салык кызматынан билдиришкендей, тиешелүү буйрукка министрлер кабинетинин төрагасы Адылбек Касымалиев кол койгон.

23-декабрда Салык кызматынын төрагасынын жаңы орун басарын МСКнын төрагасы Алмамбет Шыкмаматов жамаатка тааныштырды.

Салык кызматынын башчысы жаңы дайындалган жетекчинин орун басары өзүнүн кызматтык милдеттерин натыйжалуу аткаруу үчүн зарыл болгон тажрыйбага жана кесиптик билимге ээ экендигин баса белгиледи.

Ал Кубанычбек Ысабековдун салык системасы, анын процесстери жана Салык кызматынын ишмердүүлүгүнүн негизги багыттары менен жакшы тааныш экендигин белгиледи.

Кубанычбек Ысабеков буга чейин Экономика жана коммерция министрлигинин салык саясаты башкармалыгынын башчысы болуп эмгектенген.