Бишкек, 19.03.24. /Кабар/. Бүгүн Кыргызстандын тышкы иштер министри Жээнбек Кулубаев дипломатиялык корпустун дуайени, Беларустун Кыргызстандагы элчиси Андрей Страчкону анын дипломатиялык миссиясынын аякташына байланыштуу кабыл алды.
КР ТИМден билдиришкендей, сүйлөшүүлөрдүн жүрүшүндө министр Кыргызстан менен Беларустун ортосундагы эки тараптуу мамилелерди өнүктүрүүгө элчинин жасаган иштери жана жеке салымы, Кыргызстандагы дипломатиялык корпустун дуайени катары жигердүү ишмердүүлүгү жана Кыргызстандын Тышкы иштер министрлигинин кайрымдуулук иш-чараларына туруктуу катышкандыгы үчүн ыраазычылык билдирди.
Тараптар саясий, соода-экономикалык жана гуманитардык чөйрөлөрдө кызматташтыкты кеңейтүүгө багытталган жогорку жана жогорку деңгээлдеги макулдашууларды ишке ашыруунун жүрүшүн талкуулашты.
Элчи Андрей Страчко кыргыз тарапка өз милдеттерин аткарууда көрсөткөн колдоосу үчүн ыраазычылык билдирип, Кыргызстан менен эки тараптуу кызматташтыкты мындан ары өнүктүрүүгө көмөктөшүү үчүн мындан ары да күч-аракетин жумшай турганын белгиледи.
Пикир
Оставить комментарий