Бишкек, 18.09.19. /Кабар/. Бүгүн, 18-сентябрь саат 18:30га карата "Кулунду" бекетинен Кыргызстандын жана Тажикстандын жарандарын өткөрүү жанданды. Бул тууралуу КР Мамлекеттик чек ара кызматы билдирет.
Маалыматка ылайык, "Кулунду-автоунаа жолу" көзөмөл өткөрүү жайы Баткен облусунун Лейлек районуна караштуу Кулунду айлынын түндүк тарабында жайгашып, көп тараптуу , күнү-түнү иш алып барган өткөрүү жайы болуп эсептелет.
Азыркы учурда Тажикстан менен чектешкен баардык беш өткөрүү жайы күнүмдүк тартипте иш алып барып жатышат.
Кыргыз-тажик мамлекеттик чек ара аймагындагы кырдаал туруктуу.
Пикир
Оставить комментарий