Бишкек, 11.01.22. /Кабар/. Бишкектин Биринчи май райондук сотунун 2021-жылдын 30-декабрындагы өкүмү менен Кыргызстандын мурдагы премьер-министри Жоомарт Оторбаев КР Кылмыш-жаза кодексинин 319-беренесинин 2-бөлүгүндө (коррупция) каралган кылмышты жасагандыгы үчүн күнөөлүү деп табылды.
Агенттикке соттун басма сөз кызматынан билдиришкендей, сот Оторбаевге карата 3 миң эсептик көрсөткүч өлчөмүндө, башкача айтканда, 300 миң сом өлчөмүндө айып салды.
Маалыматка ылайык, 2021-жылдын 16-сентябрында жүргүзүлгөн тергөө иш-аракеттеринин жыйынтыгына жана иште алынган далилдерге таянып, тергөө өлкөнүн экс-премьер-министри Жоомарт Оторбаев УКМКнын терөө камак жайынын убактылуу кармоочу жайынын кармоо чечимин кабыл алган.
Тергөөдө аныкталгандай, Ж.Оторбаев КР премьер-министри болуп турган кезде, КР өкмөтүнүн алдындагы Курчап турган чөйрөнү коргоо жана токой чарбасы мамлекеттик агенттигинин Кумтөр кенинин башкы планынын алкагында айлана-чөйрөгө тийгизген таасирин баалоо үчүн, КРнын "Суу жөнүндө" Суу кодексинин жана КРнын мыйзамынын талаптарын бузуу менен, "Кумтөр Голд Компанинин" («Центера Голд Инк.») чет элдик компаниясынын кызыкчылыгы үчүн буйрук алып, Лысый жана Давыдов мөңгүлөрүн мындан ары жок кылууга макулдук берген.
Кармалган Ж.Оторбаевди ведомстволор аралык тергөө тобу аны менен тергөө аракеттерин жүргүзүп, анын жыйынтыгы боюнча жакынкы 48 саатта Бишкек шаарынын Биринчи Май райондук соту тарабынан бөгөт коюу чарасы каралмакчы.
Эскерте кетсек, УКМКнын ведомстволор аралык тергөө тобу «Кумтөр» кенин иштетүү долбоорун ишке ашыруунун ар кандай этабындагы коррупциялык фактылар боюнча козголгон кылмыш ишин иликтөөнү улантууда.
Пикир
Оставить комментарий