Бишкек, 02.12.24. /Кабар/. Бүгүнтөн тарта Коргоо министрлигинин бардык аскер бөлүктөрүндө, аскердик башкаруу органдарында, кошуундарында, бөлүктөрүндө жана мекемелеринде 2024-жылдын кышкы окуу мезгили башталды.
Ведомстводон маалымдашкандай, бардык аскер бөлүктөрүндө окуу жылы митингдер менен башталды.
Коргоо министрлигинин борбордук аппаратында кышкы окуу мезгилинин башталышына арналган митингге Коргоо министрлигинин жана Куралдуу күчтөрүнүн Генералдык штабынын жетекчилиги катышты.
Коргоо министри Бакытбек Бекболотов Коргоо министрлигинин жана Куралдуу күчтөрдүн Генералдык штабынын борбордук аппараттарынын башкаруу органдарынын өздүк курамына Кыргыз Республикасынын жаңы окуу жылындагы тапшырмаларды жеткирди.
Митинг башкаруу органдарынын өздүк курамынын салтанаттуу саптык өтүүсү менен аяктады.
Пикир
Оставить комментарий