Курсан Асанов үй камагына чыгарылды

Бишкек, 12.04.21. /Кабар/. Бүгүн Бишкек шаардык сотунда 2020-жылы 9-октябрда Бишкекте өткөн башаламандык боюнча сот отуруму болду.

Соттун басма сөз кызматы билдиргендей, сот отурумунда Курсан Асановдун баш коргоо чарасы өзгөртүлүп, ал үй камагына чыгарылды. Мындан мурда ал абакта болгон.

Эскерте кетсек, Курсан Асанов 2020-жылы 5-9-октябрь аралыгында Бишкекте массалык башаламандык тууралуу иштин алкагында кармалган, соттун чечими менен үй камагына чыгарылды. Кийин аны мекемелерди басып алуу боюнча кылмыш ишинин алкагында чакырылганы айтылган.