Курсантбек Каримов Балыкчы шаарынын прокурору болуп дайындалды

Бишкек, 01.07.24. /Кабар/. Курсантбек Каримов Балыкчы шаарынын прокурору кызматына дайындалды, деп билдирет Балыкчы шаардык мэриясынан.

Каримов Курсантбек Абдимомунович 1976-жылы Ош облусунун Кара-Суу районунда туулган.

Ал 5 баланын атасы. Эмгек жолун Чүй облусунун Сокулук районунун прокуратурасында баштап, Чүй жана Ош облустарынын прокуратураларында, Бишкек шаарынын Биринчи Май районунун прокуратурасында, Талас облусунун прокуратурасында жана Чүй облусунун Сокулук районунун прокурорунун орун басары болуп эмгектенген.