Бишкек, 27.01.22. /Кабар/. Кытай тараптын демилгеси менен “Жаз” майрамын майрамдоого байланыштуу кыргыз-кытай мамлекеттик чек ара аймагында жайгашкан “Торугарт” жана “Эркечтам” көзөмөл-өткөрүү жайлары маал-маалы менен жабылып турат. Бул тууралуу Улуттук коопсуздук боюнча мамлекеттик комитетинин (УКМК) Чек ара кызматы билдирет.
Көзөмөл-өткөрүү бекеттер төмөндөгүдөй графикте иш алып барат:
- 2022-жылдын 29-30-январь күндөрү убактылуу жабык болот;
- 2022-жылдын 31-январы жумуш күнү;
- 2022-жылдын 01-03-февраль күндөрү убактылуу жабык болот;
- 2022-жылдын 04-февралы жумуш күнү;
- 2022-жылдын 05-06-февраль күндөрү убактылуу жабык болот;
- 2022-жылдын 07-февралы жумуш күнү.
“Торугарт” жана “Эркечтам” көзөмөл-өткөрүү жайлары 2022-жылдын 7-февралынан баштап атайын алгоритмдин негизинде Кытайдан Кыргызстанга транспорт каражаттары менен жүктөрдү гана алып өтүүгө ишин улантат.
Пикир
Оставить комментарий