Бишкек, 10.09.21. /Кабар/. Бишкек шаарында өткөн Соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмесинин алкагында кыргыз-түрк бизнес форуму болду. Бул тууралуу министрлер кабинетинин басма сөз кызматы билдирет.
Ишкерлердин жолугушуусуна Кыргыз Республикасынын министрлер кабинетинин төрагасы Улукбек Марипов жана Түркия Республикасынын Вице-президенти Фуат Октай катышты.
Форумдун жүрүшүндө болжол менен 250 ата мекендик жана 90 ашуун түрк компания өкүлдөрү энергетика, айыл чарба тармагындагы, тоо-кен өнөр жайына инвестицияларды тартуу, мамлекеттик-жеке өнөктөштүккө негизделген долбоорлорго тийиштүү маселелерди талкуулады.
Министрлер кабинетинин башчысы өз сөзүндө бир тууган Түркия Республикасы менен эки тараптуу мамилелерди чыңдоо үчүн максималдуу күч-аракетти жумшоого даяр экендигин билдирди жана инвесторлорду өлкөгө чакырып кетти.
Өз кезегинде Түркия Республикасынын вице-президенти маалымдагандай, түрк тарап да эки тараптуу мамилелерди чыңдоого даяр жана биргелешкен долбоорлорду ишке ашырууда жана көйгөйлүү маселелерди чечүүдө аталган форумдун маанилүүлүгүн белгиледи.
Пикир
Оставить комментарий