Бишкек, 19.12.19. /Кабар/. Бүгүн саат 10:30га карата Баткен облусунун аймагында коомдук-саясий абал туруктуу. Бул тууралуу КР өкмөтүнүн Баткен облусундагы ыйгарым укуктуу өкүлчүлүгүнүн басма сөз кызматы билдирди.
Маалыматка ылайык, коңшу Тажик Республикасы менен чектеш аймактарда абал тынч. Баткен районунун Ак-Сай айыл аймагында абал туруктуу, күч түзүмдөрү тарабынан көзөмөлгө алынган.
Жергиликтүү бийлик өкүлдөрү, укук коргоо жана күч түзүмдөрү тарабынан коомдук тартипти жана чек ара аймактарында чыр-чатактарды болтурбоо, алдын алуу иштери жүргүзүлүүдө.
Белгилей кетсек, кечээ, 18-декабрда Кыргызстандын Баткен жана Тажикстандын Согдий облустарынын башчылары жолугуп, такталбаган чек ара аймактарында курулуштарды токтотуу, алуу боюнча макулдашкан. Ага ылайык, эки тараптан тең курулуш иштери токтотулуп, тосмолор алынды.
Пикир
Оставить комментарий