Бишкек, 02.08.22. /Кабар/. 2022-жылдын алты айында Кыргызстан былтыркыга салыштырмалуу 3 миң тоннага көп товар экспорттогон. Бул тууралуу Айыл чарба министрлигинен билдиришти.
Маалыматка ылайык, алты айда ата мекендик айыл чарба продукциясынын экспорту - 279 миң 323 тоннаны түзсө, 2021-жылы ушул мезгилиндеги экспорту – 276 миң 225 тоннаны түзгөн. Ошентип, 2022-жылдын 6 айында былтыркыга салыштырмалуу 3 миң 98 тоннага көп товар экспорттолгон.
Кыргызстанда карантинге алынган продукциянын экспортунун негизги көлөмүн жашылчалар түздү. Жашылчалар Кыргызстандын Чүй, Ысык-Көл, Ош, Баткен, Талас, облустарынан ЕАЭБ жана 3-өлкөлөргө экспорттолду.
Эң көп экспорттолгону жашылча болуп сабиз саналат. Ал Чүй облусунан Россия Казакстан, Беларусь өлкөлөрүнө экспорттолгон.
Ошондой эле капуста, пияз, болгар калемпири, томат Россия жана Казакстан өлкөлөрүнө экспорттолгон.
Пикир
Оставить комментарий