Бишкек, 13.11.24. /Кабар/. Бүгүн экономика жана коммерция министринин орун басары Искендер Асылкулов Чехиянын Кыргызстандагы элчиси Павел Шепеляк менен жолугушту. Бул тууралуу ведомстводон билдиришти.
Жолушууда Кыргызстан менен Чехиянын ортосундагы эки тараптуу кызматташтыктын учурдагы абалы, ошондой эле аны мындан ары чыңдоо жана активдештирүүнүн келечеги каралды.
Тараптар кызматташтыктын негизги багыттарына көңүл буруп, конструктивдүү өз ара аракеттенүүнүн жана өз ара макулдашылган чечимдерди кабыл алуунун маанилүүлүгүн белгилешти.
Соңунда маектештер достук жана өз ара сый мамилеге негизделген эки тараптуу байланыштарды өнүктүрүүнү улантууга, өлкөлөр ортосундагы экономикалык өнөктөштүктү бекемдөөгө даярдыгын ырасташты.
Пикир
Оставить комментарий