Бишкек, 26.09.24. /Кабар/. 25-сентябрда Кыргызстандын тышкы иштер министри Жээнбек Кулубаев Финляндиянын тышкы соода жана өнүктүрүү министри Вилле Тавио менен жолугушту.
КР ТИМден билдиришкендей, жолугушуу Нью-Йорк шаарында БУУнун Башкы Ассамблеясынын 79-сессиясынын алкагында орун алды.
Жолугушуунун жүрүшүндө тараптар соода-экономикалык жана инвестициялык чөйрөлөрдө эки тараптуу кызматташуу, ошондой эле эл аралык уюмдардын алкагында өз ара аракеттенүү маселелерин талкуулашты.
Министр Жээнбек Кулубаев соода-экономикалык мамилелерди активдештирүү зарылдыгын белгилеп, финлянд компанияларын Кыргыз Республикасына инвестициялоону чакырды.
Тараптар ошондой эле эң жогорку жана жогорку деңгээлдеги өз ара сапарларды уюштуруу пландарын талкуулашты.
Соңунда Жээнбек Кулубаев 2027-2028-жылдарга БУУнун Коопсуздук кеңешинин туруктуу эмес мүчөлүгүнө Кыргызстандын талапкерлиги тууралуу маалымат берип, өлкөнүн талапкерлигин колдоо өтүнүчү менен кайрылды.
Пикир
Оставить комментарий