Бишкек, 15.02.20. /Кабар/. Кечээ, 14-февраль күнү Мюнхен коопсуздук конференциясына катышуунун алкагында КР тышкы иштер министри Чыңгыз Айдарбеков Финляндиянын тышкы иштер министри Пекка Хаависто менен жолугушту. Бул тууралуу Тышкы иштер министрлигинен билдиришти.
Жолугушууда тараптар 2020-жылга карата жогорку жана эң жогорку деңгээлдердеги байланыштардын графигин, эл аралык уюмдардын алкагында иштешүү, экология жана айлана-чөйрөнү коргоо тармагында кызматташууну талкуулашкан.
Жолугушуунун жүрүшүндө Хаависто, Айдарбековду Финляндияга расмий сапар менен келип кетүүгө чакырган.
Өз кезегинде Айдарбеков, Хаавистону быйыл жайында Бишкекте өтө турган ЕБ – БА Биринчи экономикалык форумуна катышууга чакырган.
Пикир
Оставить комментарий