Кыргызстан менен Германиянын санариптештирүү жаатында кызматташуу мүмкүнчүлүгү талкууланды

Бишкек, 19.05.21. /Кабар/. 2021-жылдын 17-майында Кыргызстандын Германиядагы элчиси Эрлан Абдылдаев Bundesdruckerei GmbH компаниясынын Улук вице-президенти Дитер Заутер жана Veridos GmbH компаниясынын аткаруучу директору Марк-Юлиан Зиеверт менен жолугушту. Бул тууралуу Тышкы иштер министрлигинин басма сөз кызматы билдирди.

Жолугушуунун жүрүшүндө Кыргызстандын министрликтеринин жана ведомстволорунун аталган Германиянын алдыңкы компаниялары менен санариптештирүү жаатында кызматташтыкты түзүү мүмкүнчүлүктөрү талкууланды жана келечекте Кыргызстандын тиешелүү министрликтери жана ведомстволору менен аталган компаниялардын онлайн форматында жолугушууларды өткөрүү сүйлөшүлдү.