Бишкек, 31.05.24. /Кабар/. Президент Садыр Жапаров “2023-жылдын 20-ноябрында Токио шаарында түзүлгөн Кыргызстандын Япониядагы элчилиги менен Япониянын Тышкы иштер министрлигинин ортосундагы Кыргызстан жана Япониянын дипломатиялык жана кызматтык/расмий паспортторунун ээлери үчүн визалык талаптарды жокко чыгаруу жөнүндө алмашуу ноталарын ратификациялоо тууралуу” КР мыйзамына кол койду.
Мыйзам Жогорку Кеңеш тарабынан 2024-жылдын 15-майында кабыл алынган.
Мыйзамдын максаты 2023-жылдын 20-ноябрында Токио шаарында түзүлгөн Кыргызстандын Япониядагы элчилиги менен Япониянын Тышкы иштер министрлигинин ортосундагы Кыргызстандын жана Япониянын дипломатиялык жана кызматтык/расмий паспортторунун ээлери үчүн визалык талаптарды жокко чыгаруу жөнүндө алмашуу ноталарын ратификациялоо жолу менен мамлекет ичиндеги жол-жоболорду аткаруу болуп саналат.
Алмашуу ноталары менен Кыргызстандын жана Япониянын жарактуу дипломаттык жана кызматтык/расмий паспортторунун ээлерин 90 күндөн ашпаган мөөнөткө визалык талаптардан бошотуу каралган. Бул ишкердиктин мобилдүүлүгүн өнүктүрүү үчүн жагымдуу шарттарды түзөт жана дипломаттык, кызматтык/расмий паспорттордун ээлери болгон жарандардын эки өлкөнүн аймагында жүрүүсүн жеңилдетет.
Алмашуу ноталары Кыргызстандын жарандары үчүн дипломаттык жана кызматтык паспорттордун жана Япониянын жарандары үчүн дипломаттык жана расмий паспорттордун ээлерине карата колдонулат.
Пикир
Оставить комментарий