Бишкек, 05.06.23. /Кабар/. Кыргызстандын тышкы иштер министри Жээнбек Кулубаев Улуу Британиянын Тышкы иштер министрлигинин мамлекеттик министри Лео Докертинин кабыл алды.
КР ТИМдин басма сөз кызматынан кабарлашкандай, жолугушуунун жүрүшүндө тараптар эки тараптуу кыргыз-британ кызматташтыгынын актуалдуу маселелерин талкуулашты.
Министр Кулубаев Улуу Британия менен соода-экономикалык жана инвестициялык кызматташууну чыңдоонун жана кеңейтүүнүн маанилүүлүгүн белгиледи.
Тараптар маданий-гуманитардык кызматташтыкты өнүктүрүү, өзгөчө билим берүү тармагында, ошондой эле эки өлкөнүн жарандарынын ортосундагы байланыштарды кеңейтүү үчүн болгон потенциалды белгилешти.
Ошондой эле тараптар аймактык жана эл аралык күн тартибиндеги маселелерди талкуулашты.
Пикир
Оставить комментарий